الفكرة
مزرعة خاصة بأطراف بغداد، تنأجر لعائلة وحدة بكل فترة: صباحي، أو مسائي، أو يوم كامل. أغلب أصحاب المزارع ينظمون الحجوزات بالواتساب والدفتر، وبسهولة يصير حجزين على نفس الموعد. سوينا موقع يبين المواعيد الفاضية، ويحجز ويثبت بالعربون بدون مكالمات.
الهوية
ألوان مأخوذة من المكان نفسه: رملي الحجر، وزيتوني النخل، وطيني الطابوق. وصور المزرعة كلها مولدة بالذكاء الاصطناعي لنفس البيت والمسبح، من النهار لليل.
الزبون
- يشوف تقويم بكل يوم بيه خطين: الصباحي والمسائي، والمحجوز يبين فاتح
- يختار الفترة، والسعر يتغير حسب اليوم: أيام الأسبوع، الجمعة والسبت، والعطل الرسمية
- يضيف تزيين مناسبة، أو عدة شواء، أو ساعة إضافية، والمجموع يتحدث قدامه
- يحجز باسمه ورقمه بس، والموعد ينحجز إله 24 ساعة لحد ما يحول العربون
- يتابع حجزه برقمه
صاحب المزرعة
- الحجوزات اللي تنتظر العربون، وكل وحدة بيها الوقت الباقي لنهاية مهلتها
- إذا ما وصل العربون بالمهلة، الحجز ينلغى تلقائياً والموعد ينفك لغيره
- تقويم شهري بكل الحجوزات، ويغلق أي فترة للصيانة بضغطة
- رسالة واتساب جاهزة للزبون: تذكير بالعربون أو تأكيد الحجز ويا الموقع
- يغير أسعار الفترات والإضافات، ويضيف أيام بسعر خاص للأعياد
هذا نموذج تجريبي، والحجوزات بيه للتجربة. جرب تحجز من الموبايل، وشوف شلون يتغير التقويم.
