الفكرة
ليان علامة أزياء نسائية من بغداد: فساتين وعبايات وقطع يومية. بنينا إلها متجر إلكتروني كامل يشتغل مثل أي متجر حقيقي، من أول ما الزبونة تشوف القطعة لحد ما الطلب يوصل للوحة التحكم.
الهوية
لون توتي غامق ويا وردي فاتح، وخط Alexandria للعربي وArchivo للإنكليزي. صور الموديلات كلها مولدة بالذكاء الاصطناعي بنفس الخلفية والإضاءة، وكل منتج إله 3 صور: من قدام، ومن ورا، وقريب على القماش.
الزبونة
- تتصفح حسب القسم، وتفلتر بالقياس، وترتب بالسعر أو الأحدث
- تختار اللون والقياس، والقياس اللي خلص يبين «نفذ» وما ينضاف للسلة
- تضيف للسلة من كرت المنتج مباشرة بدون ما تفتح صفحته
- تطلب بدون حساب: اسم، رقم، محافظة وعنوان، وسعر التوصيل يتغير حسب المحافظة
- تستخدم كود خصم، وتدفع عند الاستلام، وتتابع طلبها برقمه
- كل الموقع بالعربي والإنكليزي
صاحبة المتجر
- مبيعات اليوم والشهر، والأكثر مبيعاً، وتنبيه للقياسات اللي قربت تخلص
- الطلب يمر بمراحل: جديد، مؤكد، ويا المندوب، توصل. والإلغاء يرجع القطع للمخزون
- واتساب للزبونة برسالة جاهزة، وطباعة وصل للمندوب، وتصدير الطلبات لـ Excel
- تضيف منتج وترفع صوره من الموبايل، وتحدد المخزون لكل لون وقياس
- أكواد خصم، وأسعار توصيل لكل محافظة
هذا نموذج تجريبي، والطلبات بيه ما تنشحن. افتحه من الموبايل وجرب تطلب، وتابع طلبك برقمه.
