الفكرة
مطعم مشويات بالكرادة، منيو ورقي بأسعار قديمة، وكل ما يخلص صنف النادل يرجع للطاولة يعتذر. سوينا منيو يفتح من كود QR على الطاولة: الأسعار دائماً محدثة، والصنف اللي يخلص يبين للزبون قبل لا يطلبه.
الهوية
المنيو مصمم مثل منيو المطاعم الشعبية المطبوع: ورق كريمي، وأسماء الأقسام بخط نسخ، والسعر بآخر سطر منقط. وفوكه صورة المنقلة بالجمر واللوگو الأحمر. وصور الأكلات كلها مولدة بالذكاء الاصطناعي بنفس الإضاءة والصحون.
الزبون
- يمسح الكود اللي على الطاولة، والمنيو يرحب بيه برقم طاولته
- يشوف إذا المطعم مفتوح هسه، ومتى يسد، حتى لو الدوام يكمل بعد نص الليل
- الأقسام فوك تتبدل وحدها وهو ينزل بالمنيو، وبيها بحث يلگه الصنف حتى لو كتبه بالهاء بدل التاء المربوطة
- يدوس على أي صنف تطلعله صورته الكبيرة، وسعر النفر ونص النفر
- الصنف اللي خلص يبين رمادي ومشطوب وجنبه «خلص اليوم»
صاحب المطعم
- كم واحد فتح المنيو اليوم وبهالأسبوع، وأكثر الأصناف اللي انفتحت
- يأشر الصنف خلص أو يرجعه متوفر بضغطة، ويتغير بالمنيو بنفس اللحظة
- يضيف صنف أو يعدل سعره ويرفع صورته من الموبايل، والصورة تتصغر وحدها
- يغير أوقات الدوام والملاحظة اللي تطلع فوك المنيو
- كود QR عام وكود لكل طاولة، ويطبعهن كلهن مرة وحدة
هذا نموذج تجريبي. امسح الكود أو افتح المنيو من الموبايل، وجرب البحث وتفاصيل الأصناف.
