الزبون
كاليميرو هوم محل عراقي لمستلزمات المطبخ: فخار، جدور وطاوات، صواني، أغراض شاي وقهوة، صحون، وتخزين. يبيع أونلاين بس، ويعرض أغراضه بريلز الانستغرام. قبل الموقع، الزبون يشوف الغرض بالريل ويسأل عن سعره بالتعليقات أو بالخاص، وينتظر الرد حتى يطلب.
الهوية
الموقع انبنى على ألوان الشعار نفسه: أزرق ملكي ونيلي غامق، والأصفر يطلع بس فوق الأزرق. خط Almarai بكل الواجهة، والصور بطابع دافي على خلفيات كريمية، حتى الأغراض تبين مثل ما تبين بمطبخ حقيقي.
المتجر
- التصفح: حسب القسم، أو حسب الطبخة: قوزي، دولمة، تبسي، وسوتلاج، ويطلعلك كل شي تحتاجه للطبخة
- المنتج: كل قياس إله زر وسعره مكتوب عليه، ويا صور وفيديو للغرض وتعليقات الزباين
- قبل السلة: أجور التوصيل والمجموع النهائي يبينون بصفحة المنتج نفسها
- الطلب: بدون حساب: اسم، رقم، محافظة وعنوان. والدفع عند الاستلام بعد ما يفحص الغرض قدّام المندوب
- البحث: يفهم الكلمات العراقية، فـ«جدر» و«قدر» و«طنجرة» يطلعن نفس الأغراض
- بعد الطلب: يتابع طلبه برقمه، وطلبات الجملة تروح مباشرة لواتساب المحل
لوحة التحكم
- الطلب يمر بمراحل: جديد، مؤكد، بالطريق، واصل. ويا نسخة جاهزة للمندوب
- عربون يطلبه صاحب المحل من الزبون إذا احتاج، وينخصم من مبلغ الاستلام
- المنتجات بقياساتها وألوانها ومخزونها، والصور والفيديوهات ترتفع من الموبايل
- الأقسام والطبخات وأقسام الصفحة الرئيسية كلها تتعدل من اللوحة
- الزباين وطلباتهم، والتعليقات، وأجور التوصيل لكل محافظة
- إحصائيات: الزيارات، والأكثر مبيعاً، والكلمات اللي دوّروا عليها وما لكوا شي
شغلة تفرق
كل طلب جديد يوصل لحاله لكروب المحل بالتلغرام، وينحفظ باللوحة هم، فما يضيع طلب حتى لو التلغرام وكف.
