مسك

الزبون

شركة مسك للمستلزمات الزراعية بالموصل: بذور، أسمدة، مبيدات، أدوات زراعة، أنظمة ري، وبيوت محمية. الزبون فلاح أو صاحب مشتل، وأغلبه يطلب من الموبايل.

الهوية

الموقع انبنى على نظام تصميم كامل: لون أخضر واحد هادئ (Leaf #778C58) يمشي على كل الأزرار والهيدرات، وخلفيات ورقية مخضرّة، وخط Asal Arabic بكل الواجهة. الأحمر محجوز للخصومات والحذف بس. الأرقام والأسعار تنكتب من اليسار لليمين جوّا النص العربي حتى تنقرأ صح.

التصميم عربي من الأساس، مو تصميم إنكليزي انقلب بالمرآة: كل تخطيط واتجاه أيقونة انرسم RTL من البداية.

المتجر

• الرئيسية: هيدر أخضر بيه عنوان التوصيل والبحث، بنرات تتبدّل لحالها، الأقسام، وعروض اليوم
• الأقسام: شبكة بصور حقيقية، وكل قسم يبيّن مثل وجهة مو مثل فلتر
• المنتج: معرض صور بالسحب، والمنتج ينباع بالقطعة أو بالوزن (خطوات نص كيلو)، مع منتجات مشابهة والمفضلة
• الجملة: قسم B2B يوصل الطلب مباشرة للواتساب
• السلة والدفع: شريط يبيّن شكد باقي للتوصيل المجاني، والدفع بصفحة وحدة: العنوان، طريقة الدفع (الدفع عند الاستلام)، وملخص الطلب
• الحساب: تسجيل دخول بالإيميل أو Google، العناوين، المفضلة، وسجل الطلبات مع تتبّع الطلب

لوحة التحكم

المنتجات والأقسام والبنرات والكوبونات، والطلبات وحالاتها، والزبائن، ومناطق التوصيل وأسعارها، وصفحات هبوط للحملات، وصلاحيات للموظفين، ويا تحليلات (زيارات، مشاهدات صفحات، وكلمات البحث اللي يدوّرون عليها الزباين).

شغلتين تفرق بيهن

• إشعارات تلغرام: كل طلب جديد يوصل لحاله لكروب المحل بالتلغرام
• تكامل الوسيط: أول ما الطلب ينحوّل لـ«قيد التوصيل» ينرسل لشركة الوسيط تلقائياً: رقم التتبّع، حالة المندوب، وملصق شحن جاهز للطبع، والحالات ترجع تتحدّث لحالها لحد «تم التسليم»